နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ ဒီကနေ့ ကျရောက်တဲ့ (၇၇) နှစ်ပြည့် မွေးနေ့အတွက် ဒေသအသီးသီးက ပြည်သူ့ကာကွယ်ရေးတပ်ဖွဲ့တွေက မွေးနေ့ ဆုတောင်းပေးခဲ့ကြပါတယ်။
ဒေါ်အောင်ဆန်းစုကြည်နဲ့ ပြည်သူတွေ အချုပ်အနှောင်မှ အမြန်ဆုံးလွတ်မြောက်ဖို့၊ ဒေါ်အောင်ဆန်းစုကြည် သက်ရှည်ကျန်းမာဖို့ ဆုတောင်းပေးခဲ့ကြတာပါ။
သရက်ချောင်းမြို့နယ်က ဒေါင်းမင်း စစ်ဆင်ရေးအဖွဲ့၊ တောင်ပိုင်း ပြည်သူ့ကာကွယ်ရေးအဖွဲ့၊ ပြည်သူ့ကာကွယ်ရေးတပ်မတော် အနောက်ပိုင်းတိုင်း စစ်ဌာနချုပ် တပ်မဟာ(၇)၊ ပြည်သူ့ကာကွယ်ရေးတပ်ဖွဲ့-ရေစကြို ၊ ရှေ့တန်းရောက် ကချင်ဒေသပြည်သူ့ကာကွယ်ရေးတပ်(KPDF) ရဲဘော်များ၊ ပြည်သူ့စွမ်းအားတပ်ပေါင်းစု(PPC) မှ ရဲဘော်များ၊ YDF Htilin Battalion 3 မှရဲဘော်များ၊ ဂန့်ဂေါ PDF မှ ရဲဘော်များ၊ PDF အလယ်ပိုင်းတိုင်း စစ်ဌာနချုပ် အမှတ် -၁၀၀၈ တပ်ရင်း(ရှမ်းတောင်)မှ ရဲဘော်များ အပါအဝင် ဒေသအသီးသီးက PDF တပ်ဖွဲ့တွေက မွေးနေ့ ဆုတောင်းပေးခဲ့ကြတာပါ။
“လူထုခေါင်းဆောင် ဒေါ်အောင်ဆန်းစုကြည်ပြည်သူ့မေတ္တာလွှမ်းခြုံ၍ သက်ရှည်ကျန်းမာ ဘေးဘယာကင်းဝေးပါစေ။အချုပ်အနှောင်မှ အမြန်ဆုံးလွတ်မြောက်ပါစေ။အချုပ်အနှောင်ခံနေရသော အမှန်တရားဘက်တော်သားအားလုံးလည်းအမြန်ဆုံးလွတ်မြောက်ပါစေ” ဟု ဂန့်ဂေါ PDFက ဆုတောင်းပေးခဲ့သလို ကျန်တဲ့ PDF တပ်ဖွဲ့တွေကလည်း ဒေါ်အောင်ဆန်းစုကြည် အသက်ရှည် ကျန်းမာဖို့၊ အချုပ်အနှောင်က အမြန်လွတ်ဖို့ ဆုတောင်းပေးကြပါတယ်။
ပြည်တွင်း ပြည်ပက ပြည်သူတွေကလည်း ဒီကနေ့မှာ ကျရောက်တဲ့ ဒေါ်အောင်ဆန်းစုကြည်အတွက် မွေးနေ့ဆုတောင်းမှုတွေ ပုံစံမျိုးစုံနဲ့ ပြုလုပ်ခဲ့ကြပါတယ်။
#thenationvoicemyanmar
#ဒေါ်အောင်ဆန်းစုကြည် #လူထုခေါင်းဆောင် #၇၇နှစ်မြောက်မွေးနေ့