ဗုဒ္ဓဟူးနေ့မနက်ပိုင်းက အာဖဂန်နစ္စတန်အရှေ့ပိုင်း ပါတီကာပြည်နယ်မှာ ငလျင်လှုပ်ခတ်ခဲ့လို့ လူအနည်းဆုံး (၂၅၅)သေဆုံးခဲ့တယ်လို့ အာဖဂန်အစိုးရသတင်းအေဂျင်စီကဖော်ပြပါတယ်။
ပါကစ္စတန်နယ်စပ်နဲ့နီးတဲ့ ခို့စ်မြို့နဲ့ (၄၄) ကီလိုမီတာလောက်အကွာ၊မြေအောက်အနက် (၅၁) ကီလိုမီတာမှာ ငလျင်လှုပ်ခတ်ခဲ့တယ်လို့ အမေရိကန်ဘူမိဗေဒစာရင်းအင်းဌာနက ပြောပါတယ်။
ငလျင်လှုပ်ခတ်မှုကို ပါကစ္စတန်၊ အာဖဂန်နစ္စတန်နဲ့ အိန္ဒိယနိုင်ငံတို့က လူ (၁၁၉)သန်းခံစားခဲ့ရတယ်လို့ ဥရောပမြေထဲပင်လယ်မြေငလျင်စင်တာ(EMSC)က တွစ်တာမှာပြောပါတယ်။
အာဖဂန်မီဒီယာမှာဖော်ပြတဲ့သတင်းဓာတ်ပုံတွေမှာတော့ အိမ်တွေပြိုကျနေတာမြင်ရပါတယ်။
အာဖဂန်ကိုထိန်းချုပ်ထားတဲ့တာလီဘန်တွေရဲ့သဘာဝဘေးတုံ့ပြန်ရေးဆိုင်ရာဝန်ကြီး မိုဟာမက် နက်ဆင် ဟက်ကာနီက သေဆုံးသူအများစုဟာ ပါတီကာပြည်နယ်မှာဖြစ်ပြီး လူ(၁၀၀)သေဆုံးခဲ့ကာ (၂၅၀)ဒဏ်ရာရခဲ့တယ်လို့ သိရပါတယ်။
ခို့စ်မြို့မှာ နောက်ထပ် (၂၅)ဦးနဲ့နန်ဂါဟာပြည်နယ်မှာ (၅)ဦးသေဆုံးခဲ့ပြီး သေဆုံးသူတွေထပ်ရှိသေးသလားဆိုတာစုံစမ်းစစ်ဆေးနေတယ်လို့လည်း ဟက်ကာနီကပြောပါတယ်။
ပါကစ္စတန်ဘက်ကတော့ သေဆုံးထိခိုက်သူအရေအတွက် ထုတ်ပြန်တာမရှိသေးပါဘူး။
Source – Agencies
#thenationvoicemyanmar
#internationalnews
#နိုင်ငံတကာသတင်း #အာဖဂန်နစ္စတန် #ပါကစ္စတန်