စက်တင်ဘာ ၁၃၊ The Nation Voice
တနင်္သာရီတိုင်း၊ ပုလောမြို့နယ်၊ တောင်ယာကမ်းကျေးရွာက စစ်မှုထမ်းဟောင်း အုပ်ကြီးမောင်ယုကို နန်းထိုက်အောင်စစ်ဆင်ရေးအနေနဲ့ ပစ်ခတ်ရှင်းလင်းလိုက်တယ်လို့ ပုလောဒေသကာကွယ်ရေးတပ်ဖွဲ့က ထုတ်ပြန်ပါတယ်။
ပုလောဒေသကာကွယ်ရေးမဟာမိတ်တပ်ပေါင်းစုက နန်းထိုက်အောင်စစ်ဆင်ရေးလှုပ်ရှားမှုအနေနဲ့ သင်္ဃန်းမော်နဲ့ ရွှေလုံးအောင်ကြားမှာ မနေ့ညနေပိုင်းလောက်က ရှင်းလင်းလိုက်တာဖြစ်ပါတယ်။
အဲဒီလူဆီက လက်ပစ်ဗုံးနှစ်လုံး၊ ဖုန်းတစ်လုံး၊ ဆိုင်ကယ်တစ်စီး၊ ငွေကျပ် (၉) သိန်း၊ မှတ်ပုံတင် ၈ ခု၊ WY ဆေးပြား (၈) ပြား၊ ခဲပတ်တစ်ခု၊ ကွန်ဒုံး (၂) ခု၊ လက်စွပ် ၃ ကွင်း၊ ဆေးထိုးအပ်၊ ဆေးဝါးတွေကို သိမ်းဆည်းရမိခဲ့တယ်လို့လည်း ဆိုပါတယ်။
အဲဒီအုပ်ကြီး မောင်ယုဟာ ပုလောမြို့နယ်စစ်မှုထမ်းဟောင်း ဥက္ကဌအဖြစ် တာဝန်ထမ်းဆောင်ခဲ့ဖူးသူဖြစ်ပြီး ဘိသိက်ဆရာ၊ အပ်ပုန်းဆရာအနေနဲ့ လုပ်ကိုင်ခဲ့ဖူးသူလည်းဖြစ်ကာ တော်လှန်ရေးကာလမှာ စစ်ကောင်စီအတွက် အလုပ်လုပ်ပေးနေသူဖြစ်တဲ့အပြင် CDM ဝန်ထမ်းတွေကို ဖိအားပေးတာ၊ ပြည်သူကို လက်နက်ကိုင် ခြိမ်းခြောက်တာတွေ ပြုလုပ်နေတာကြောင့် ရှင်းလင်းခဲ့ရတာ ဖြစ်တယ်လို့ ထုတ်ပြန်ထားပါတယ်။
