အောက်တိုဘာ ၉၊ The Nation Voice
မကွေးတိုင်း၊ မြိုင်နယ် သရက်ကန်ရွာမှ ပျူစောထီးစခန်းအား သွားရောက်တိုက်ခိုက်စဥ် မြိုင်(ပကဖ)တပ်ရင်း (၁) အလင်း တန်းပြောက်ကျားတပ်ဖွဲ့မှ ရဲဘော်မိုက်တီး လက်နက်ကြီးမတော်တဆဖြစ်ကာ ကျဆုံးခဲ့ရတယ်လို့ ဒီကနေ့ အောက်တိုဘာ (၉) ရက်မှာ ထုတ်ပြန်ပါတယ်။
အောက်တိုဘာ (၇) ရက်၊ ည (၁၁) နာရီခွဲလောက်က သရက်ကန်ရွာပျူစောထီးစခန်းကို မြိုင်(ပကဖ)တပ်ရင်း (၁)နဲ့ မဟာမိတ်တပ်ဖွဲ့တွေက လက်နက်ကြီးတွေနဲ့ သွားရောက်ပစ်ခတ် တိုက်ခိုက်ခဲ့တာလို့ ဆိုပါတယ်။
” လက်လုပ်လက်နက်ကြီး မတော်တဆဖြစ်၍ ၈.၁၀.၂၀၂၂ ခုနှစ် မနက်ထ ၁ နာရီ ခန့်တွင် မြင့်မြတ်စွာကျဆုံးခဲ့သည် ” လို့ မြိုင်(ပကဖ)က ထုတ်ပြန်ပါတယ်။ ဒါကြောင့် မြိုင်(ပကဖ)အနေနဲ့ မြင့်မြတ်စွာကျဆုံးသော ရဲဘော်မိုက်တီးအား အာဇာနည်သူရဲကောင်းအဖြစ် မှတ်တမ်းတင် အလေးနီပြုလိုက်ပါကြောင်း ထုတ်ပြန်ထားပါတယ်။
အဲဒီတိုက်ခိုက်မှုမှာ သရက်ကန်ရွာပျူစောထီးစခန်းမှာရှိနေတဲ့ ပျူတွေရဲ့ ထိခိုက်သေဆုံးတဲ့အခြေအနေတွေကိုတော့ မသိရသေးပါဘူး။
