အောက်တိုဘာ ၁၉၊ The Nation Voice
စစ်ကိုင်းတိုင်း၊ ရေဦးမြို့ကနေ ထွက်လာတဲ့ အကြမ်းဖက်စစ်အုပ်စုကို အောက်တိုဘာ (၁၇) ရက်နေ့က ဒရုန်းနဲ့ ဗုံးသီးချတိုက်ခိုက်ခဲ့ပြီး အနည်းဆုံး (၇) ဦးသေဆုံးခဲ့တယ်လို့ မြန်မာ့တော်ဝင်နဂါးတပ်တော်(M.R.D.A)က ဒီကနေ့မှာ အသိပေးထုတ်ပြန်ပါတယ်။
အောက်တိုဘာ (၁၇)ရက် မနက်ပိုင်းက ရေဦးကနေထွက်လာတဲ့ စစ်အုပ်စုကို သရက်ပင်စုကျေးရွာနဲ့ အင်တိုင်းရွာကြားအရောက်မှာ SSTF(MRDA ခွဲ-ခင်ဦး)နဲ့ LGRFအဖွဲ့တို့က ပူးပေါင်းပြီး ဒရုန်းနဲ့ ဗုံးသီးချတိုက်ခိုက်ခဲ့တာဖြစ်ပါတယ်။
တိုက်ခိုက်မှုဖြစ်စဉ်အတွင်းမှာ အကြမ်းဖက်စစ်အုပ်စုဘက်က အနီးပတ်ဝန်းကျင်ကို ရမ်းသမ်းပစ်ခတ်မှုတွေပြုလုပ်ခဲ့ပြီး အနည်းဆုံး အကြမ်းဖက်စစ်သား (၇) ဦးသေဆုံးခဲ့တယ်လို့ ဖော်ပြထားပါတယ်။
အကြမ်းဖက် စစ်အုပ်စုရဲ့ ရမ်းသမ်းပစ်ခတ်မှုကြောင့်
ဒေသခံ အမျိုးသမီးကြီးတစ်ဦး ထိခိုက်ဒဏ်ရာရခဲ့ပြီး SSTF(MRDAခွဲ-ခင်ဦး)ဆေးတပ်ဖွဲ့က ဆေးကုသပေးလျှက်ရှိတယ်လို့လည်း အသိပေးထားပါတယ်။
