နိုဝင်ဘာ ၂၁၊ The Nation Voice
စစ်ကိုင်းတိုင်း၊မုံရွာမြို့နယ်အတွင်းမှာ လုယက်၊ခိုးယူမှု (၂၇)မှု ကျူးလွန်ထားသူတစ်ဦးကို ဖမ်းဆီးစစ်ဆေးထားကြောင်း မုံရွာမြို့နယ်-ပြည်သူ့လုံခြုံရေးအဖွဲ့က ဒီကနေ့မှာ အသိပေးထုတ်ပြန်ပါတယ်။
လုယက်၊ခိုးယူမှု (၂၇)မှု ကျူးလွန်ထားသူမှာ အသက်-(၂၆)နှစ်ခန့်အရွယ်ရှိတဲ့ ချမ်းငြိမ်းဆိုသူဖြစ်ပြီး ရိုက်နှက်လုယူမှု(၆)မှုနဲ့ ခိုးယူမှု (၂၁)မှုတို့ကို ကျူးလွန်ထားကြောင်း ဖော်ပြထားပါတယ်။
“မျက်နှာဝါးမှု အတွက်အနူးအညွတ်တောင်းပန်အပ်ပါသည်။နောက်ဆက်တွဲကိစ္စများ ဖော်ထုတ်ရန်အတွက်ဝါးထားမှုကိုနားလည်ပေးပါရန်မိဘပြည်သူများအားအသိပေးအပ်ပါသည်”လို့ မုံရွာမြို့နယ်-ပလဖက ထုတ်ပြန်ပြောဆိုထားပါတယ်။
ဒါ့အပြင် နောက်ထပ်ကွင်းဆက်တရားခံတွေလည်းရှိနေပြီး အဲ့ဒီတရားခံတွေကို တစ်ရက်စီချပြပေးသွားမယ်လို့ အသိပေးထားပါတယ်။
စစ်ကိုင်းတိုင်းအတွင်းမှာ အကြမ်းဖက်စစ်တပ်နဲ့ ဒေသခံတပ်တွေ ထိတွေ့တိုက်ပွဲတွေဖြစ်ပွားနေတာကို အခွင့်ကောင်းယူပြီး ခိုးဆိုးလုနှိုက်လုပ်နေတဲ့ ဓားပြအဖွဲ့တွေ၊မူးယစ်ဆေးဝါးဖြန့်ဖြူးရောင်းချနေတဲ့ မူးရစ်ဂိုဏ်းတွေနဲ့ သူခိုးတွေကို PDF ၊မြို့နယ်(ပအဖ)၊မြို့နယ်(ပလဖ)တို့က ဖမ်းစီးစစ်ဆေး အရေးယူတာတွေ လုပ်ဆောင်လျှက်ရှိနေပါတယ်။
