ဒီဇင်ဘာ ၂၆၊ The Nation Voice
စစ်ကိုင်းတိုင်းအတွင်းမှာ စစ်ကိုင်းကနေ မုံရွာဘက်ကို ဦီးတည်တက်လာတဲ့ စစ်ကား(၃)စီးမိုင်းဆွဲတိုက်ခိုက်ခံရပြီး ကား(၁)စီးတိမ်းမှောက်လုနီးပါးဖြစ်ပွားခဲ့တယ်လို့ ဒေသခံ(PDF)တပ်တွေရဲ့ ထုတ်ပြန်ချက်တွေအရသိရပါတယ်။
ဒီကနေ့မနက် (၃)နာရီကျော်လောက်မှာ မုံရွာဘက်ကို ဦီးတည်တက်လာတဲ့ စစ်ကား(၃)စီးကို ဝမ်းပြည့်ကျေးရွာနဲ့ အလ္လကပ္ပကျေးရွာကြားအရောက်မှာ PDF တပ်တွေက ပဒေသာမိုင်းတွေနဲ့(၅)ကြိမ်တိုင် မိုင်းဆွဲတိုက်ခိုက်ခဲ့ကြတာဖြစ်ပါတယ်။
မိုင်းစတွေဟာ စစ်ခွေးကားတွေကို ထိထိမိမိထိမှန်ခဲ့ပြီး ကားတစ်စီးမှာ တိမ်းမှောက်လုနီးပါးဖြစ်ခဲ့တယ်လို့ PKDF – MMU က အသိပေးထားပါတယ် ။
တိုက်ခိုက်မှုဖြစ်စဉ်အတွင်းမှာ စကစတပ်သားတွေဘက်ကလည်း ရမ်းသမ်းပစ်ခတ်မှုတွေပြန်လည်ပြုလုပ်ခဲ့ပေမဲ့ PDF တပ်တွေဘက်က အထိအခိုက်မရှိခဲ့ဘူးလို့ သိရပါတယ်။စစ်ကောင်စီရဲ့သေဆုံးထိခိုက်မှုအခြေအနေကိုတော့ စုံစမ်းနေဆဲ ဖြစ်တယ်လို့ဆိုပါတယ်။
ဝမ်းပြည့်ကျေးရွာနဲ့ အလ္လကပ္ပကျေးရွာ အကြားမှာ စကစရဲ့ယာဉ်တန်းတွေကို ဒေသခံ(PDF)တပ်တွေက မကြာခနဆိုသလို မိုင်းဆွဲတိုက်ခိုက်တာ၊လက်နက်ငယ်တွေနဲ့ ပစ်ခတ်တိုက်ခိုက်တာတွေကို လုပ်ဆောင်လေ့ရှိပါတယ်။
